ಸಾಗರದ ನೀರು ಕಾವಿನಿಂದ ಆವಿಯಾಗಿ ಅಂಬರವ ಸೇರಿ

ಮೋಡವಾಗಿ ವರ್ಷಧಾರೆಯಾಗಿ

ಧಾರುಣಿಯನು ಚುಂಬಿಸಿತು

ಭೂಒಡಲೆಲ್ಲ ಹಸಿರಿನ ಹಾಸಿಗೆ

ವನದೇವತೆ ಉಟ್ಟಳು ಚೆಂದದ ಸೀರೆ

ರೈತನ ಕೈಚಳಕದಿ ಹುಲುಸಾದ ಸಶಿ

ತೆನೆಬಾಗಿ ಭೂ ಮಾತೆಗೊಂದಿಸುತೆ

ಧಾನ್ಯ ಲಕ್ಷ್ಮಿ ಚೆಂದದಿ ಅಡಿಯಿಡಲು

ಗೃಹ ಲಕ್ಷ್ಮಿಮುದದಿ ಇದಿರುಗೊಂಡಳು

ಗದ್ದಿಗೆಯಲಿ ಕೂಡ್ರಿಸುತ ಲಕ್ಷ್ಮಿಯನು ಆದರದಿ ಪೂಜಾಲಂಕಾರವಗೈದು

ಭಕ್ತಿಯೊಳು ಬೇಡುತ ಹರಸೆಮ್ಮ

ಸುಖಶಾಂತಿ ನೆಲೆಸಲಿ ಮನೆಯಲಮ್ಮ

ಆಯುರಾರೋಗ್ಯ‌ಕರುಣಿಸೆಮ್ಮ

ಅನವರತ ಬಾಳು ಬೆಳಕಾಗಲಮ್ಮ

ಇದಕೆಲ್ಲ ಕಾರಣವು ಮಳೆಇದು ವರವೈ

ವರಕವಿಯ ಭಾವದಿ ಸುರಿಯುವ

ಸುರಗಂಗೆ ಬುವಿಯ ಕಲ್ಮಶತೊಳೆವ ಏಕೈಕ ಅಸ್ತ್ರ ವರವಾಗಿರಲಿ ಅನವರತ

ವಂದನೆಗಳು

ನಿರ್ಮಲಾ ಹೆಗಡೆ