ವಸುಂಧರೆ ಒಣಗಿ ಬಿರುಕುಬಿಟ್ಟು 

ನೀರಿಗಾಗಿ  ಹಂಬಲಿಸಿ ಕಾಯುತಿರೆ

ಮಯೂರ ನರ್ತಿಸಿ ಕರೆಯುತಿರಲು

ರೈತ  ಬಿತ್ತನೆಗೆ ವರುಣನನ್ನು ನಿರೀಕ್ಷಿಸಲು

 ವರುಣನಾಗಮನ ಭುವಿಗೆ  ನಿಧಾನಿಸಿ

ದಿನಕಳೆದಂತೆ ಆರ್ಭಟವಾಯಿತು

ವರ್ಷಧಾರೆಯ  ಅಟ್ಟಹಾಸ

ಎಲ್ಲೆಲ್ಲೂ ವರುಣನ   ರುದ್ರ ನರ್ತನ

ಜಗದೆಲ್ಲೆಡೆ ಸಾವು ನೋವಿನ ಚೀತ್ಕಾರ

ಶಾಲಾ ಕಾಲೇಜಿಗೆ ರಜಾದ ಘೋಷಣೆ

ತುಂಬಿಹರಿಯುವ ನದಿನದಗಳು

ಮನಸೆಳೆಯುವ ಜಲಪಾತಗಳು

ಜಲಧಾರೆಯಿಂದ ನಲುಗಿದ ವಸುಂಧರೆ

ನಾಟ್ಯವನ್ನು ಮರೆತ ನವಿಲನ ಒದ್ದಾಟ

ಅತಿವೃಷ್ಟಿಯಿಂದ  ಕಂಗಾಲದ ರೈತ

ವರುಣನಿಗೆ ಶರಣಾಗಿದ್ದಾರೆ ಒಟ್ಟಿಗೆ

ನಿಲ್ಲಿಸು ನಿನ್ನ ಈ  ವರಟು ನಾಟ್ಯವನ್ನು

ಬದುಕ ಹಸನಾಗಿಸು ನಮ್ಮೆಲ್ಲರದನ್ನು

ಕೊಚ್ಚಬೇಡ ಭೂತಾಯಿಯ ಒಡಲನ್ನು

ಶಾಂತವಾಗಿ ಮರಳು ನಿನ್ನ ಸ್ಥಳಕೆ ನೀನು

ವಂದನೆಗಳು

ನಿರ್ಮಲಾ ಹೆಗಡೆ