ಕವನಗಳು
ಮಂಗಳದ ಮುಂಬೆಳಗು
Mar 12, 2025
ನೇಸರನ ಆಸರೆ
ದೇದೀಪ್ಯಮಾನ ಅರ್ಕನ
ಮಂಗಳದ ಮುಂಬೆಳಗು
ಜೀವರಾಶಿಗಳ ಅರಳಿಸಿ
ತುಂಬಿದೆ ಮೆರುಗು
ಬೇಧಭಾವ ಎಣಿಸದ
ಭಾಸ್ಕರನ ಬೆಳಕು
ಕಪಟವಿಲ್ಲದ ನಿತ್ಯಸತ್ಯ
ಹೊನಲ ಪಲುಕು
ಉಷೆಯ ಪ್ರಭೆ ಸೋಕೆ
ನಗುವ ತಂಬೆಲರು
ಪ್ರಾಣ ಚೈತನ್ಯದಿ
ಹಸಿರಾಯ್ತು ಉಸಿರು
ಇರುಳ ನೀಗುತ
ನಾಳೆಯ ಭರವಸೆ ಕೊಟ್ಟು
ಪ್ರತಿ ಹೊಸ ಬೆಳಗು
ತರುವುದು ಮರುಹುಟ್ಟು
ಕಾಣುವ ಅಷ್ಟೂ ಕಣ್ಣಲೂ
ನೇಸರನ ಪ್ರಖರತೆ ದಾಖಲು
ಸಾರ್ಥಕತೆ ಪಡೆಯುವ
ಛಲ-ಬಲ ಇರದು ಎಲ್ಲರಲು
ನಮ್ಮೊಳಗೆ ಮಲಗಿರುವ
ಧೀಶಕ್ತಿಯ ತುಣುಕು
ಎಚ್ಚೆತ್ತ ಘಳಿಗೆ ಅಂತರಂಗದಿ
ನವ ಬೆಳಗು ನವ ಬದುಕು
..........✍️ಮಮತ ಆರಾಧ್ಯ
ಇತ್ತೀಚಿನ ಕಾಮೆಂಟ್‌ಗಳು
