ಒಲವಿನ ಕರೆಯಲಿ ಪ್ರೀತಿಯು ಬೆರೆತು

ಮಧುರತೆಯ ನುಡಿಗೆ ಹೃದಯ ತಲ್ಲಣ

ಆತ್ಮಸಂಗಾತಿ ಜೊತೆಗೆ ಕನಸು ಶುರುವಾಗಿ

ಪ್ರೇಮದೊಡನಾಟಕೆ ಬೇಕಿಲ್ಲ ಬೇರೆ ಕಾರಣ!

ಹೊಸತು ಭಾವ ಪಲ್ಲವಿಸಿ ಮನದಲಿ

ಬಾಳಲಿ ಚೆಲ್ಲಿದೆ ಬೆಳದಿಂಗಳ ಬೆಳಕು 

ಕೇಳಲರಿಯದ ಹಿತದ ಅನುಭೂತಿಗೆ

ಸಂಭ್ರಮ ತಳೆದು ಬಣ್ಣವಾಗಿದೆ ಬದುಕು

ಎದೆಯ ಬಯಲಿಗೆ ಒಲವ ಮಳೆ ಹರಿಸಿ

ಪ್ರೀತಿಯ ಬೆಳೆಗೆ ಬಾಳಾಗಿದೆ ಹಸಿರು 

ಕಂಗಳ ಕಾಂತಿಯು ಮನವನು ಆವರಿಸಿ

ಮೆಲ್ಲನೆ ಅನುರಣಿಸುತಿದೆ ನಿನ್ನದೇ ಹೆಸರು

✒️ಆಶಾ ಅಡೂರ್