ಏಕೈಕ ಮಾತ್ರವೆಂದರೆ ಕಾಲ .ಯಾರಿಗೂ ಬೇಧ ಭಾವ ಮಾಡದೆ ತನ್ನದೆಯಾದ ಒಂದೇ ಮಿತಿಯಲ್ಲಿ ಸಾಗುತ್ತಲೇ ಇರುತ್ತದೆ.ಎಷ್ಟೇ ಕೋಟಿ ಕೊಟ್ಟರೂ ಮುಗಿದು ಹೋದ ಕಾಲ ಮರಳಿ ಪಡೆಯಲಾಗದು.ಕೊಂಡುಕೊಳ್ಳುವುದು ಅಸಾಧ್ಯ ಮಾರಾಟವೂ ಅಸಾಧ್ಯ.ಮಿಂಚಿ ಹೋದ ಕಾಲಕ್ಕೆ ಚಿಂತಿಸಿ ಫಲವಿಲ್ಲ ಎಂಬ ಗಾದೆ ಮಾತು ಕೂಡ ಕಾಲದ ಮಹತ್ವ ಮತ್ತು ಅಸ್ತಿತ್ವವನ್ನು ಅರ್ಥವತ್ತಾಗಿ ತಿಳಿಸಿಕೊಡುತ್ತದೆ.ಈಗಾಗಲೇ ಮುಗಿದಿಹ ಕಾಲದ ಬಗ್ಗೆ ಎಷ್ಟೇ ಚಿಂತಿಸಿದರೂ ಇಡೀ ಜಗವೇ ಬುಡಮೇಲಾದರೂ ಮರಳಿ ಪಡೆಯಲು ಸಾಧ್ಯವಿಲ್ಲ.ಕಾಲವನ್ನು ಅರಿತು ನೋಡು ಸುಂದರ ಬದುಕು ನಿನ್ನ ಜೋಡು ಎಂಬ ಮಾತು ಕೂಡ ಕಾಲದ ಬಗೆಗಿನ ಮಹತ್ವ ಮತ್ತು ಪ್ರಾಮುಖ್ಯತೆಯನ್ನು ಅರಹುತ್ತದೆ.

ಕಾಲವನ್ನು ನೀರು ಬಳಸಿದಂತೆ ಉಪಯೋಗಿಸುತ್ತ ಹೋದರೆ ನಷ್ಟವು ಕಟ್ಟಿಟ್ಟ ಬುತ್ತಿ ಹಾಗಾಗಿ ಸರಿಯಾದ ರೀತಿಯಲ್ಲಿ ಸದ್ಭಳಕೆ ಮಾಡಿಕೊಳ್ಳುತ್ತ ಸುಂದರ ಬದುಕು  ರೂಪಿಸಿಕೊಳ್ಳಬೇಕು.ಕಾಲಹರಣ ಮಾಡದೆ ಅಭ್ಯಾಸಕ್ಕೆ,ಇತರ ಹವ್ಯಾಸಗಳಿಗೆ ಸಮಯ ನಿಗದಿಪಡಿಸುತ ಮಾನಸಿಕವಾಗಿ ದೈಹಿಕವಾಗಿ ಕ್ರಿಯಾಶೀಲರಾಗಿ ಸದಾ ಲವಲವಿಕೆಯಿಂದ ಇರಲು ಕಾಲವು ಭದ್ರ ಬುನಾದಿಯಾಗಿವೆ ಕಾಲವನ್ನು ಅರಿತರೆ ಜೀವನ ಸಂತಸದ ಆಗರ ಇಲ್ಲದಿರೆ ಕಣ್ಣೀರಿನ ಸಾಗರ.ಕಾಲ ತಿಳಿದು ಬದುಕಬೇಕು ಹೊರತು ತುಳಿದು ಬದುಕಬಾರದು.

ಕಾಲವನ್ನು ಜರಿಯುವ ನಾವು ಕಾಲಕ್ಕೆ ತಕ್ಕಂತೆ ನಮ್ಮನ್ನು ನಾವು ಅರಿಯುವ ವ್ಯವಧಾನ ಅತಿ ಅವಶ್ಯವಾಗಿದೆ ಕಾಲ ಸರಿಯುತ್ತಲೇ ಇರುವುದು ಆದರೆ ಆ ಕಾಲಘಟ್ಟದಲ್ಲಿ ನಾವು ಯಾವ ರೀತಿಯಲ್ಲಿ ಜೀವನವನ್ನು ರೂಪಿಸಿಕೊಳ್ಳಬಹುದಿತ್ತು ಎಂಬ ಅಲೋಚನೆ ಮಾಡಿದ್ದಾದರೆ ಪ್ರತಿ ವ್ಯಕ್ತಿಗೂ ತನ್ನ ಮೂಡನಂಬಿಕೆ ಎಂಬುದು ಸ್ಪಷ್ಟವಾಗುತ್ತದೆ.ಕಾಲವನ್ನು ನಾವು ವಿನಿಯೋಗಿಸುವುದು ಬಹಳ ಮುಖ್ಯವೇ ಹೊರತು ಕಾಲಕ್ಕೆ ನಾವು ಹೆಸರಿಡುವುದು ಎಷ್ಟು ಸೂಕ್ತ ಎಂಬುದನ್ನು ನಮ್ಮನ್ನು ನಾವೇ ಪ್ರಶ್ನಿಸಿಕೊಳ್ಳುತ್ತ ಅದಕ್ಕೆ ಉತ್ತರ ಕಂಡು ಕೊಳ್ಳುವುದು ಅತಿ ಅವಶ್ಯ.ಕಾಲ ಮತ್ತು ಉಬ್ಬರವಿಳಿತವೂ ಯಾರಿಗಾಗಿ ಕಾಯುವುದಿಲ್ಲ.ಸಮಯ ಮತ್ತು ಅವಕಾಶ ಯಾರಿಗೂ ಕಾಯವು ಹಾಗಾಗಿ ಸರಿಯಾಗಿ ಕಾಲ ಸದುಪಯೋಗಪಡಿಸಿಕೊಂಡು ಅವಕಾಶ ಪಡೆದುಕೊಳ್ಳಬೇಕು.