ಪ್ರಾರ್ಥಿಸುವೆನು ದೇವನೆ

ನನ್ನ ಭಕ್ತಿಯ ನೀ ಮಾಡದಿರು ತುಲನೆ

ನೀನಿಟ್ಟ ಜೀವವಿದು

ನಿನ್ನನ್ನೇ ಸದಾ ಧ್ಯಾನಿಸುವುದು

ನಾ ಮಾಡಿದ ಪಾಪಗಳಿಗೆ ಪರಿತಪಿಸಿರುವೆ

 ನಿನ್ನ ಅನುಗ್ರಹಕ್ಕೆoದು ನಾ ಕಾದಿರುವೆ

ನೀ ಹರಸುವೆಯೆoಬ ಅಚಲ ನಂಬಿಕೆ

ಸಕಲ ಜೀವಿಗಳ ಮೇಲೆ ಕೃಪೆ ತೋರು ಎಂಬುದೇನ್ನಾ ಕೋರಿಕೆ

ಅಗೋಚರ ರೂಪದ ಶಕ್ತಿ ನೀನು

ನಿನ್ನ ಪಾದದಡಿಯ ದೂಳು ನಾನು

ಪ್ರಾರ್ಥನೆಯೊಂದೆ ನಿನ್ನ ತಲುಪುವ ಮಾರ್ಗವಿಲ್ಲಿ

ಸತ್ಯ ಮತ್ತು ಪ್ರಮಾಣಿಕತೆಯಲಿ ಸಾಗುತ ಸನ್ಮಾರ್ಗದಲ್ಲಿ

ನಿನ್ನ ಜಪಿಸುತಲಿರುವುದೇ ನನ್ನ ಪಾಡು

ನೀ ಕಷ್ಟಗಳಿಂದೆನ್ನಾ ದಯೆ ತೋರಿ ಕಾಪಾಡು

ಹುಲುಮಾನವರೆಂದು ಕಡೆಗಣಿಸದಿರು

ತಪ್ಪುಗಳ ಮನ್ನಿಸಿ ಸಮಸ್ಯೆಗಳ ಜಂಜಾಟದಿಂದ ಮಾಡು ಪಾರು

                        ನಾಗರತಿ ಚಿಂತಾಮಣಿ