ಕವನಗಳು
ಮಣೆ
Jul 04, 2025
ಮಣೆ
ಮಣೆ ನಾನು ಕುಳಿತುಕೊಳ್ಳಲು ಬೇಕು ಮನುಜರಿಗೆ
ಮಣ ಭಾರವಾದರೂ ಸುಮ್ಮನಿರಬೇಕು
ಹಣೆಬರಹವೆನ್ನದಿದು ಶುಭ ಕಾರ್ಯಕೂ ಬೇಕು
ಹೊಣೆ ಹೆಗಲ ಮೇಲಿಹುದು ಪಾಲಿಸಲೇಬೇಕು
ಕಾಯಿ ತುರಿಯಲು ಬೇಕು ಹೆಂಗಳೆಗೆ ಕೆರೆಮಣೆಯು
ಬಾಯಿ ಅಗಲದ ಮೆಟ್ಟುಗತ್ತಿಗೂ ಬೇಕು
ತಾಯಿ ಮಗುವನು ಜಳಕ ಮಾಡಿಸಲು ಬೇಕಂತೆ
ಕಾಯ ಹೊರುವೆನು ನಾನು ಎನದೆ ಸಾಕು
ವಿವಿಧ ಉಪಯೋಗದಲಿ ನನ್ನದೇ ಮೇಲುಗೈ
ಸುವಿಚಾರ ಮಾತನಾಡಲು ಬೇಕು ಮುಖ್ಯ
ಸವಿಯ ಭೋಜನ ಉಣಲು ನಾನಿರದೆ ಹೇಗಿರಲಿ
ಕವಿಯ ಲೇಖನಿ ಹೊಗಳಿ ಮಾಡಿಹುದು ಸಖ್ಯ
✍️ ಲತಾ ಧನು ಸೀತಾಂಗೋಳಿ
೦೪-೦೭-೨೦೨೫
ಇತ್ತೀಚಿನ ಕಾಮೆಂಟ್‌ಗಳು
