ಕವನಗಳು
ನಿಸರ್ಗದ ಚೆಲುವು
Feb 04, 2026
ನಿನ್ನ ಸೌಂದರ್ಯವ
ನಾ ಏನೆಂದು ವರ್ಣಿಸಲಿ
ಕಂಗಳಿಗೆ ಕುಕ್ಕುವಂತಿರುವ
ನಿನ್ನ ಆಕರ್ಷಣೆಯ
ನಾ ಎಷ್ಟೆಂದು ಶೃಂಗರಿಸಲಿ
ಮುಗಿಲೊಳಗಿನ ಸೊಬಗಿಗೆ
ದೃಷ್ಟಿ ಬಟ್ಟಂತಿರುವ
ಸೂರ್ಯ ಚಂದ್ರ ನಕ್ಷತ್ರಗಳ ಅಂದವ
ನಾ ಏನೆಂದು ಹೊಗಳಲಿ
ಪೃಥ್ವಿಯ ಆವರಿಸಿಕೊಂಡಿರುವ
ಶಕ್ತಿಯಂತೆ ಕಂಗೊಳಿಸುವ
ಬೆಟ್ಟಗುಡ್ಡ ಪರ್ವತ,
ಗಿಡ ಮರ ಬಳ್ಳಿ,
ನದಿ ಸಮುದ್ರ ಸಾಗರ,
ಸಕಲ ಜೀವ ಸಂಕುಲಗಳ
ಚೆಂದವ ಎಷ್ಟೆಂದು ಬಣ್ಣಿಸಲಿ
ನಿನ್ನ ಚೆಲುವ
ಎಷ್ಟು ವರ್ಣಿಸಿದರು ಸಾಲದು
ಪದಗಳಿಗೆ ಮಿಗಿಲಾದದ್ದು
ನಿನ್ನ ನಿಸರ್ಗದ ಮಡಿಲು.
✍️ ಯಶಸ್ವಿನಿ ಹೆಚ್. ವಿ.
ಇತ್ತೀಚಿನ ಕಾಮೆಂಟ್ಗಳು
