ಮುದ್ದು ಕಿನ್ನರಿಯ ರಮಿಸುತ್ತಾ ಹೇಳಿದೆ ಅಂದು 

ನೀ ಏನು ಕೇಳಿದರೂ ತಂದುಕೊಡುವೆನೆಂದು 

ಚುಕ್ಕಿ ತಾರೆ ಏನೇ ಕೇಳು ನಿನ್ನ ಅಂಗೈಲಿಡುವೆನೆಂದು 

ಹಠ ಹಿಡಿದೇ ಬಿಟ್ಟಳು ಚುಕ್ಕಿ ತಾರೆ ಚಂದಮಾಮ ಬೇಕೇಬೇಕೆಂದು 

ಯೋಚಿಸಿ ಹೇಳಿದೆ  ನಿನ್ನ ಅಂಗೈ ನೀಡೆಂದು 

ಅರಿತಿರಲಿಲ್ಲವಳು ಮದರಂಗಿಯಲ್ಲಿ ಚುಕ್ಕಿ ತಾರೆ ಬಿಡಿಸುವೆನೆಂದು 

ತಿಳಿದಿತ್ತೆನಗೆ ಅವಳಿಗೆ ಮದರಂಗಿ ಚಿತ್ತಾರ ಇಷ್ಟವೆಂದು

ಅಂಗೈಯಲ್ಲಿ ಚುಕ್ಕಿ ತಾರೆ ಚಿತ್ತಾರ ಕಂಡು ಕುಣಿದಾಡಿದಳಂದು

ನಸುನಕ್ಕೆನು ಕೊಟ್ಟ ಮಾತು ಹೀಗೆ ಈಡೇರಿಸಿದೇನೆಂದು

                      ನಾಗರತಿ ಚಿಂತಾಮಣಿ